O concello de Bueu abriu o pasado xoves 19 de xaneiro o prazo para se inscribir nos cursos preparatorios para obter o CELGA 4. Este curso é totalmente gratuíto, e o prazo de inscrición estará aberto ata o martes 30 de xaneiro.
Este curso terá lugar no IES Johan Carballeira de Bueu, en horario de 20.00 a 22.00 horas, de luns a xoves.
O comezo está previsto para o 12 de marzo, e terá unha duración total de 75 horas.
Todos os interesados deberán inscribirse, indicando os seus datos (nome e apelidos, DNI, teléfono e correo electrónico) polos seguintes métodos:
- Por teléfono: 986 324338
- Por correo electrónico: cultura@concellodebueu.org
- No servizo de cultura do concello (Pazos Fontela, nº 29, 2º Bueu)
Por outra banda, o concello de Cangas tamén presentou a súa oferta de cursos gratuítos para obter a certificación de lingua CELGA. Os interesados deberán incribirse canto antes na casa de oficios Lorenzo Corbacho na Pedra Alta de Cangas.
No hay comentarios:
Publicar un comentario